Related Posts

Rwanda | KARONGI: Buri Munyarwanda akwiye kwibikaho certificat ya ICT – Ministre Nsengimana Philbert

24 January, at 16 : 32 PM Print

Buri Munyarwanda akwiye kwibikaho certificat ya ICT – Ministre Nsengimana Philbert

Ba vice mayor b’ubukungu, imari n’iterambere bo mu turere twose tw’u Rwanda bari kumwe na

Ministre Nsengimana J Philbert na Mayor w’akarere ka Karongi Kayumba Bernard

 

Ubwo yari mu gikorwa cyo gusoza amahugurwa ku ikoranabuhanga ya ba vice mayor b’ubukungu, imari n’iterambere, Ministre w’Urubyiruko n’Ikoranabuhanga Nsengimana Philbert yavuze ko ikoranabuhanga rikwiye kumenywa n’abanyarwanda b’ingeri zose mu nzego zose, kandi bakagira n’impamyabumenyi yaryo.

Ayo mahugurwa y’iminsi ibili yari yateguwe n’Ishyirahamwe ry’uturere n’umujyi wa Kigali RALGA, ahuza ba vice mayor b’ubukungu, imari n’iterambere b’uturere twose.

Nyuma yo gusoza amahugurwa ku mugaragaro kuwa kabili (22-01-2013), Ministre w’Urubyiruko Nsengima Philbert unafite Ikoranabuhanga mu nshingano ze, yabwiye abanyamakuru ko ba vice mayor bari bakeneye kwiga gukoresha ICT mu kazi ka buri munsi mu rwego rwo kurushaho kunoza itangwa rya serivisi zigenerwa abanyarwanda ku buryo bwihuse kandi budahenze.

Ba vice mayor banaboneyeho umwanya wo kwiga ibindi bijyanye no gukoresha imbuga nkomatanya makuru (social media) arizo: internet, facebook, twitter na sms kugira ngo barusheho kwegera abo bayobora.

Ministre Nsengimana, asanga ibi byose bidakeneye kwigwa ahubwo abantu baba bagomba guhugurirwa akamaro kabyo kugira ngo bajyane n’ibihe:

Ni ibintu bihora bihinduka kandi uko umuntu abikoresha ni ko agenda abimenyera. Ntago rero uko bihinduka ariko umuntu yagenda ahabwa amahugurwa yabyo, iyo bihinduka ubikoresha ni nako ujyana nabyo kugira ngo ujyane n’ibihe. Abahuguwe twanabasabye ko batagomba kubirebera gusa mu gutanga serivisi nziza ahubwo babirebere mu rwego rwo gukoresha ikoranabuhanga mu guteza imbere igihugu haba mu burezi, ubuzima, ubuhinzi ndetse no muri business muri rusange. Twanabasabye kugira uruhare mu gukangurira abanyarwanda kwitabira kumenya ikoranabuhanga kugira ngo abanyarwanda benshi bashoboka bamenye gukoresha ikoranabuhanga.

Uwineza Claudine ni vice mayor w’ubukungu, imari n’iterambere mu karere ka Kamonyi akaba n’umuyobozi w’ihuriro rya bagenzi be. Avuga ko banahuguriwe ku kurushaho gukorana n’abanyamakuru mu gufasha abanyarwanda kwitabira ikoranabuhanga. Ni byo vice mayor w’ubukungu imari n’iterambere muri Kamonyi asobanura:

Ni ingingo ebyili zifite aho zihuriye uretse ko uruhande rumwe rukoresha ikoranabuhanga urundi rugakoresha ibitangamakuru nka radio, television n’ibyandika. Ibi rero bizadufasha kumenyekanisha ibyiza bya ICT mu gihugu cyose, kuko hari n’abashobora kuzajya baza kubyigira ku karere runaka cyangwa mu murenge runaka habaye igikorwa runaka, bityo abandi bakaza kukigiraho mu buryo bufatika.

Gahunda ya RALGA yo guhugura abanyarwanda muri ICT ku rwego rw’igihugu yatangiriye mu karere ka Rulindo. Intego yayo ni uguha amahirwe abanyarwanda b’ingeri zose bahereye ku rubyiruko, abakozi ba leta, abo mu nzego z’umutekano, abarimu n’abandi buri wese akaba yibitseho byibuze agaseritifika kuko azi gukoresha ikoranabuhanga.

 

 

News , , , , , ,

Leave a Reply

Subscribe Via Email

Enter your email:

Follow Us!

Follow

Get every new post delivered to your Inbox

Join other followers